Pasanggiri Maca Sajak SMP

Pasangguri Maca Sajak Tingkat SMP/MTs Sa-Jawa Barat
Dinten, Kaping : Salasa, 28 Pébruari 2012
Tempat : Auditorium Lt.2 PKM UPI

Waktu : 08.00 WIB - rengse

1) Katangtuan Umum
a) Patandang nya éta siswa SMP/MTs sa-Jawa Barat.
b) Patandang maca 1 sajak wajib jeung salasahiji sajak pilihan anu geus ditangtukeun.
c) Nomer tandang kudu salawasna katitén ku girang pangajén.
d) Urutan atawa nomer midang ditangtukeun nalika gempungan téhnis (téhnikal meeting).
e) Patandang teu meunang ngaganggu pamilon séjén.
f) Patandang kudu tumut kana tata tertib nu geus ditangtukeun.
g) Patandang kudu hadir 15 menit saméméh kagiatan dimimitian. Patandang nu teu hadir dina waktuna dianggap ngundurkeun diri.
h) Patandang nu geus disebut tilu kali teu aya waé, urutan tandang dikatukangkeun.
i) Unggal sakola maksimal ngirimkeun 2 urang wawakil.
j) Jumlah patandang diwatesanan, nya éta 25 pamilon.
k) Patandang dipundut pas poto ukuran 3x4.
m) Biaya pendaptaran Rp 50.000,- ti unggal patandang
n) Hal-hal nu séjén nu can ditepikeun baris didugikeun dina gempungan téhnis (téhnical meeting)

2) Katangtuan Husus
a) Lumangsungna kagiatan pasanggiri maca sajak SMP/MTs

Dinten, ping : Salasa, 28 Pébruari 2012
Waktu : 08.00-12.00 WIB
Tempat : Gedung PKM Lt. 2

b) Aspék nu diajén ngawengku wirahma (artikulasi, intonasi, nada, tempo), wiraga (pangawasaan panggung, magelaran), jeung wirasa ( éksprési, rindat/mimik, rigig).

Download Antologi Sajak SMP

Pasanggiri Debat SMA

Pasanggiri Debat
Dinten, Kaping : Rebo, 29 Pébruari 2012
Tempat : Auditorium Lt.2 PKM UPI

Waktu : 08.00 WIB - réngsé

1) Katangtuan Umum
a) Patandang nya éta siswa/i SMA satata nu aya di tatar Jawa Barat.
b) Sakola ngirimkeun sa-regu atawa wawakil ti tiap sakola.
c) Unggal regu jumlahna 3 urang.
d) Jumlah patandang diwatesanan mung 20 kelompok (regu).
e) Téma debat baris didugikeun nalika teknikal meeting, iwal babak semi final jeung babak final.
f) Waragad pendaptaran Rp 75.000,-
g) Patandang dipundut dua lembar poto berwarna 3x4 cm

2) Aturan Debat
a. Patandang kudu hadir minimal 15 menit saméméh acara dimimitian.
b. Basa panganteur kudu basa Sunda.
c. Waktu midang per babak 20 menit.
d. Waktu nyarita patandang ti unggal kelompok 2x3 menit
e. Lampu héjo : ngamimitian debat pikeun patandang
Lampu konéng : tanda waktu nyarita badé réngsé (menit terahir)
Lampu beureum : waktos séép

f) Patandang teu meunang mawa catetan.
g) Lumangsungna debat dipimpin ku saurang panumbu catur (moderator).
h) Teu meunang motong caritaan lawan debat kajaba diwidian ku lawan debat (nu midang), nalika sanggeus 3 kali interupsi teu diwidian ku lawan debat, moderator boga wewenang pikeun méré kasempetan nyarita.
i) Ngangkat leungeun saacan nyarita, kalawan nyebut “interupsi”.
j) Interupsi pikeun nyawad kamandang lawan teu meunang leuwih ti 30 detik.
k) Unggal panyatur miboga hak pikeun ngabantuan anggota kelompokna nu keur midang.
l) Ngagunakeun sistim gugur.
m) Patandang dianggap ngundurkeun diri nalika 5 menit acara geus dimimitian teu datang, sarta sanggeus dicalukan 3 kali.
n) Patandang teu meunang ngaganggu patandang séjén.
o) Teu meunang mawa asumsi/argumén anu berbau sara, hususna agama.
p) Patandang salawasna kudu tuhu kana katangtuan nu geus ditepikeun.

3) Kriteria Meunteun (Penilaian)
a) Basa
b) Argumén
c) Katepatan wacana
d) Kakompakan

Pasanggiri Ngadongeng SD

Pasanggiri Dongéng Tingkat SD/Satata Sa-Jawa Barat
Dinten, Kaping : Jumaah, 2 Maret 2012
Tempat : Auditorium Lt.2 PKM UPI

Waktu : 08.00 WIB - rengse

1) Katangtuan umum
a) Patandang nya éta siswa/siswi SD/satata kelas 3-5 sa-Jawa Barat.
b) Unggal sakola ngintunkeun 1 patandang (boh awéwé boh lalaki).
c) Dongéng anu dipidangkeun judulna bébas, kalayan genre dongéng pabél.
d) Patandang kudu hadir 15 menit saméméh kagiatan dimimitian.
e) Patandang maké raksukan bébas (bisa disaluyukeun jeung kréatifitas séwang-séwangan) atawa saragam.
f) Nalika patandang digero 3x teu datang, urutan midang dipindahkeun ka tukang.
g) Lamun patandang teu datang kénéh, patandang dianggap ngundurkeun diri.
h) Waktu pikeun midang maksimal 10 menit minimal 5 menit.
i) Urutan nomor midang ditangtukeun nalika daptar ulang.

j) Aspék anu diajén nya éta:

• Lentong
• Gesture
• Ekspresi
• Artikulasi
• Galur Carita

k) Nalika daptar ulang, patandang dipundut dua lambar poto berwarna ukuran 3x4, jeung nyerahkeun téks dongéng rangkap 3.
l) Hal-hal séjén nu can kasebut ditangtukeun nalika tehnikal meeting.
m) Jumlah pamilon diwatesan, nya éta 50 pamilon.
n) Patandang teu meunang ngaganggu patandang séjén nalika lumangsungna pasanggiri.
o) Biaya pendaptaran Rp 50.000,-
p) Hal-hal séjén nu can kasebut ditangtukeun nalika gempungan téhnis (téhnikal meeting).

2) Katangtuan Husus
a) Patandang maké raksukan bébas saluyu jeung judul dongéng nu dibawakeun.
b) Nalika patandang digero 3x teu datang, urutan midang dipindahkeun ka tukang.
c) Mun patandang teu datang kénéh, patandang dianggap ngundurkeun diri.
d) Waktu pikeun midang maksimal 10 menit.
e) Patandang milih salasahiji dongéng tina sababaraha pilihan nu geus ditangtukeun ku panata calagara sarta dibagikeun nalika daftar.
f) Urutan nomer pamilon ditangtukeun nalika daftar ulang.
g) Midangna patandang ditangtukeun ku cara dikoclok dumasar nomer pamilon.
h) Aspék anu dititén ngawengku: basa (Lentong, Artikulasi), éksprési, ngawasa bahan, jeung galur carita.
i) Hal-hal séjén nu can kasebut ditangtukeun nalika gempungan téhnis (tehnical meeting).

Pasanggiri Nembang Pupuh SMP

Pasanggiri Nembang Pupuh Tingkat SMP/Mts/Satata Sa-Jawa Barat
Dinten, kamping : Senén, 27 Pébruari 2012
Tempat : Auditorium Lt.2 PKM UPI

Waktu : 08.00 WIB - Rengse

1) Katangtuan Umum
a) Patandang nya éta siswa/siswi SMP/Mts/Satata anu aya di wilayah Jawa barat
b) Jumlah wawakil unggal sakola teu leuwih ti dua urang (hiji istri hiji pameget)
c) Patandang kudu hadir minimal 30 menit saacan acara dimimitian
d) Patandang teu meunang ngaganggu patandang séjén anu keur midang
e) Patandang teu mawa atawa make téks nalika midang
f) Biaya pendaptaran Rp 60.000,-
g) Patandang dipundut dua lambar poto ukuran 3x4 cm
h) Patandang kudu salawasna merhatikeun tata tertib anu geus ditangtukeun

2) Katangtuan Husus
a) Urutan midang patandang diacak
b) Saupama patandang digero tilu kali teu nemonan,urutan midang dipindahkeun ka tukang
c) Patandang nu dipindahkeun ka tukang tilu kali, teu nemonan waé, dianggap gugur
d) Nomer tandang kudu salawasna katitén ku girang pangajén
e) Pupuh anu dipidangkeun ngawengku pupuh wajib jeung pilihan
Lalaki
Pupuh wajib : Durma
Pupuh pilihan : Sinom, Magatru, Maskumambang, Mijil, Gambuh, Wirangrong
Awéwé
Pupuh wajib : Juru Demung
Pupuh pilihan : Sinom, Magatru, Maskumambang, Mijil, Gambuh, Wirangrong
f) Pupuh anu pangheulana dipidangkeun nya éta pupuh wajib diteruskeun ku pupuh pilihan
g) Pupuh wajib dihaleuangkeun dua balikan
h) Surupan anu dipaké dina ieu pasanggiri pupuh nya éta surupan 52
i) Pupuh nu dianggo nya éta pupuh sanggian Ujang Supriatna

Download Antologi Pupuh

Pasanggiri Maca Sajak SMA

Pasangguri Maca Sajak Tingkat SMA/SMK/MA Sa-Jawa Barat
Dinten, Kaping : Salasa, 28 Pébruari 2012
Tempat : Auditorium Lt.2 PKM UPI

1) Katangtuan Umum
a) Patandang nya éta siswa SMA/SMK/MA sa-Jawa Barat.
b) Patandang maca 1 sajak wajib jeung salasahiji sajak pilihan anu geus ditangtukeun.
c) Nomer tandang kudu salawasna katitén ku girang pangajén.
d) Urutan atawa nomer midang ditangtukeun nalika gempungan téhnis (téhnical meeting).
e) Patandang teu meunang ngaganggu pamilon séjén.
f) Patandang kudu tumut kana tata tertib nu geus ditangtukeun.
g) Patandang kudu hadir 15 menit saméméh kagiatan dimimitian. Patandang nu teu hadir dina waktuna dianggap ngundurkeun diri.
h) Patandang nu geus disebut tilu kali teu aya waé, urutan tandang dikatukangkeun.
i) Unggal sakola maksimal ngirimkeun 2 urang wawakil.
j) Jumlah patandang diwatesanan, nya éta 25 pamilon.
k) Pamilon dipundut pas poto ukuran 3x4.
m) Patandang maké saragam sakola.
n) Pendaptaran Rp 50.000,- ti unggal patandang
o) Hal-hal nu séjén nu can ditepikeun baris didugikeun dina gempungan téhnis (téhnical meeting)

2) Katangtuan Husus
a) Lumangsungna kagiatan pasanggiri maca sajak SMA/SMK/MA

Dinten, ping : Salasa, 28 Pébruari 2012
Waktu : 13.30-17.00 WIB
Tempat : Gedung PKM Lt. 2

b) Aspék nu diajén ngawengku wirahma (artikulasi, intonasi, nada, tempo), wiraga (pangawasaan panggung, magelaran), jeung wirasa ( éksprési, rindat/mimik, rigig).

Download Antologi Sajak SMA